Пеце од „Суперхикс“ сподели вреден спомен од брат му Димитар, кој починал еден ден пред Тоше Проески, на 15 октомври.
– Во чест на Пикасо – академски сликар Димитар Младеновски 18….. Вечен помен – напиша Петар Младеновски за својот брат, кој беше успешен уметник.
Минатата година, Пеце ова го сподели за својот брат, кој починал од канцер, а неговото семејство организираше изложба си негови дела.
– Денес (15.10) се навршуваат 17 години од смртта на мојот брат Димитар Младеновски. Ден подоцна се случува и трагедијата во која загинува Тоше Проески.
Ова е еден од ретките видеодокументи, кој некако случајно го ископав по цели 20 години, и еве го на Јутјуб – едно од ретките заеднички наши гостувања со него.
Убави времиња, убави луѓе, убави спомени… Вечна слава и за брат ми и за Тоше! – напиша во 2024 година Пеце. Неговиот брат почина во 2007 година.
Петар Младеновски во 2022 сними песна која ја посвети својот покоен брат, ликовниот уметник Димитар Младеновски и за сите они кои повеќе не се помеѓу нас. Во „Сите кои ги нема“ која е моќна и емотивна балада, тој соработува со квартетот „Вива стрингс“.
