Дејан Милиќевиќ соработуваше со сите најголеми ѕвезди во регионот. Тој е еден од најпознатите режисери на музички спотови и фотографи. Тој сега проговори за својот тежок живот.
Татко му го напуштил кога имал неполни две години, но мајка му му пружила многу љубов и внимание и од него, како што истакнува, направила добар човек.
„Никогаш мојот приватен живот не ми се одразувал на работата, тој дури и не постои, мојот живот е јавен. Приватно се гледам со неколку пријатели и со мојата мајка која живее преку пат од мене. Ритуал ми е да испијам кафенце со неа, да го претресеме денот, да ѝ укажам почит бидејќи имав 20 месеци кога мојот татко нѐ напушти. Мораше да биде и мајка и татко. Се бореше со сите животни неволји и успеа да изгради од мене човек кој е исправен, работлив и вреден“, изјави мИЛИЌЕВИЌ.
Тој потоа зборувал за односот со татко му.
„Одев кај него, се дружев со полубраќата, не бевме целосно одвоени. Секогаш имав поддршка од тие браќа, а од него помалку. Постојано патуваше, работеше, секогаш имаше некои работи да завршува и секако дека тоа се чувствува. Таткото како татко треба да постои, да биде присутен во растењето на еден млад човек и дефинитивно дека има многу празнини, но фала му на Бога што мајка ми успеа таа љубов некако да ја надомести и да го ублажи тој недостаток на татковска фигура“, раскажал Дејан Милиќевиќ.
Вели дека никогаш не би си дозволил да биде како неговиот татко.
„Да имаВ планови да имам свое семејство и да имаВ планови да се остварам како татко, сигурно дека не би дозволил такво нешто. Сигурно дека не би се однесувал како што тој се однесуваше кон мајка ми, мене и сите членови на семејството. Од сега па засекогаш сум соло играч, без желба да се остварам како родител. Треба да работам и да бидам ова што сум, сите мои дела всушност да бидат мои деца и да ги негувам и да бидам среќен. Тука се проектирав. Низ кариерата и работата се остварив како татко“, заклучи МИЛИЌЕВИЌ.
