Игор Џамабзов откри интересна приказна за неговиот татко, маестро Александар Џамбазов кој почина на 25 јануари во 2022 година, на 85 години.
Познатиот актер објави една слика од татко му и му посвети специјална композиција, прочуената „Рапсодија во сино“ од Џорџ Гершвин.
-Вака-така, татко ми Џамбаз беше фраериште…Додуша малку му се искривила пеперутката под грлото, ама и тоа е некако…со стил“, напиша Игор до постарата слика од маестро Џамбаз на која досега не била објавена.
-Тука е маестрото. Секој ден. Неговите вицови и афоризми кои ми ги кажуваше секој пат кога ќе се видевме, неговата прекрасна насмевка, неговата музика.
Еден од последните совети што ми ги даде беше: Синко, знам дека сакаш уште многу работи да направиш, ама немој тоа да биде по цена на твоето здравје. Здравјето нема цена“, рече Игор за татко му во едно интервју за „Слободен печат“.
