73. издание на фестивалот во италијанското Санремо заврши со огромна победа на Марко Менгони и неговата прекрасна песна „Два живота“ („Due Vite“) напишана заедно со Дарио Петрела.
Познатиот пејач го освои жирито, публиката, но и печатот и е на прво место по песните што се емитуваат на радиостаниците; меѓу другото потсетуваме дека Марко зад себе има солидна кариера; победник на X Factor 3, тој го освои Санремо во 2013 со песната „L’Essenziale“, доби 3 музички награди на MTV, се рангираше на седмото место на Изборот за песна на Евровизија во 2013 година…
Песната со која годинава победи на Санремо е автобиографска песна, која раскажува детали својствени за животот на уметникот кој со своите зборови ни дава можност да размислуваме особено кога се чувствуваме обземени од немили настани. Тој не убедува секогаш да реагираме и никогаш да не застануваме и да не се откажуваме.
Песната раскажува извадоци од животот на двојка кои можат да се толкуваат на два начина, животот како пар или дури и животот со себе; но пораката што ја пренесуваат зборовите на Марко е фундаментална. Покана да го живеете секој момент од животот како да нема утре, со интензитет, без никогаш да бидете заглавени во обесхрабрување или здодевност.
Текстот на оваа песна вешто ги меша сигналите што ни ги дава нашето несвесно со реалноста што ја живееме секој ден, но во секој случај, без разлика дали живееме сон или секојдневие, неопходно е да се соочиме со секој настан и со одлучност да продолжиме напред.
Видеото на песната е исто така емотивно, погледнете го во продолжение.
