Анџелина Џоли го прослави својот 48 роденден. Холивудската дива е родена на 4 јуни 1975 година во Лос Анџелес во актерско семејство. Нејзиниот татко е актерот Џон Војт (81), оскаровец познат по филмовите „Полноќен каубој“ и „Враќањето на ветераните“, а нејзината мајка е Маршелин Бертранд, поранешна манекенка и актерка. Уште од детството, Џоли беше речиси предодредена за холивудска кариера.
Кога имала 11 години, почнала да посетува часови по глума, но оваа страст не ја „држеше“ долго. Во бунтовните тинејџерски години имала и прилично бизарна желба да работи како гробар, па го напуштила училиштето. Од мала била малку поинаква, а нејзината голема љубов биле животните. За домашни миленици имала гуштери и змии.
View this post on Instagram
На само 16 години стана независна, работела како модел, се појавуваше во музички спотови, а првата главна улога ја доби во филмот „Хакери“ во 1995 година.
Една од нејзините најуспешни улоги беше дефинитивно онаа на Лара Крофт во филмот „Tomb Raider“ од 2001 година. Анџелина на тоа снимање немала каскадер, па поради сцените се здобила со бројни повреди.
View this post on Instagram
Таа се омажи за Џони Ли Милер (50) во 1996 година, а на венчавката облекла црни кожени панталони и бела маичка на чија позадина со крв го напишала неговото име. Таа сакала што е можно „посебна“ свадба.
Тие официјално раскинаа во 1999 година. Нејзиниот втор брак беше со актерот и сценарист Били Боб Торнтон (67). На свадбата повторно имало крв, а бракот не траел долго.
Нејзин најпознат брак секако е оној со Бред Пит (59). Анџелина и Бред се заедно од 2005 година, а јавноста ги прогласи за најубав пар на светот. Иако Анџелина веќе го имаше посвоено синот Медокс (денес 21 година), со Бред посвои и девојче Захара (дене 18). После тоа го добија првото биолошко дете Шило Нувел (17). Подоцна посвоиле момче и му дале име Пакс (денес 19). Во 2008 година, парот ги доби близнаците Нокс Леон и Вивиен Маршелин, кои сега имаат десет години.
Актерката еднаш го изненади целото семејство со исклучително оригинален подарок. Анџелина купи коњ, а нивните шест деца ги изненади со по едно пони.
Тие се венчаа во Франција во 2014 година, но сепак раскинаа. Нивниот развод, како и потенцијалното помирување е неисцрпна тема во медиумите. Постапката за развод ја започнаа во 2016 година, а официјално се разделија дури во 2019 година.
Во 2020 година, актерката призна дека се развела од Бред „за доброто на нејзините деца“, а потоа следеа низа судски случаи. Во еден момент, Пит беше под истрага за насилство врз деца. Во документите на ФБИ, кои ги објавија неколку години подоцна, се наведува дека Пит ја „тресел и грабнал“ за раменици Џоли додека бил пијан.
View this post on Instagram
Парот се расправаше и седум години по разводот, па и двајцата откриваа „валкани алишта“ од бракот, а конфликт настана и околу старателството над децата. Но, парот се расправаше и за бизарни работи како, на пример, за маслинки и лозја. Така, минатата година, актерот се налутил на својата бивша бидејќи таа го продала својот дел од француското лозје, кое заедно го купиле во 2008 година на имотот Шато Миравал, на конкурентен инвеститор.
Во тоа време, Пит тврдеше дека неговата поранешна сопруга „сакала да му наштети“ намерно. Тој рече и дека се договориле да не ги продаваат акциите од францускиот имот, без дозвола на другиот. Откако парот се разведе во 2019 година, Џоли доби одобрение да го продаде својот удел во 2021 година за 164 милиони долари пред да биде финализиран нивниот поширок финансиски договор. Сепак, Пит презел правна акција за да се обиде да го задржи мнозинскиот удел во компанијата што го поседува имотот, според „Гардијан“.
Покрај тоа што сака необични ритуали, Џоли е и голем обожавател на тетоважи, а на членовите на семејството им посветила неколку цртежи на своето тело.
Пред 15 години го положила својот пилотски испит и може да вози мали приватни авиони. Таа со години се занимава со хуманитарна работа, а Обединетите нации ја именуваа за амбасадор на добра волја во повеќе земји во светот. Исто така, Здружението на дописници на ОН и ја додели наградата Граѓанин на светот.
View this post on Instagram
