Американците не ја разбираат тежината на монархијата и нејзиното значење, изјави норвешката кралица Соња, алудирајќи на одлуката на нејзината ќерка да се сврши со шаманот Дурек, а потоа сепак додаде дека нејзиниот иден зет е „ одлично момче“.
85-годишната кралица Соња, која заедно со нејзиниот сопруг, кралот Харалд, владее со Норвешка, јавно проговори за промените што ја очекуваат нејзината ќерка, 51-годишната принцеза Марта Луиз. Кралската двојка им се обрати на тамошните медиуми откако нивната ќерка принцезата Марта Луиз официјално се откажа од кралските должности.
„Американците немаат поим што е кралство, па не е ни чудо што ниту тој не знае. Американците едноставно не го разбираат значењето на ова овде. Тие не разбираат. Мислеше дека може да прави што сака и дека тоа нема да влијае на нас, дека нема да не компромитира“, рече кралицата Соња, а потоа додаде дека потегот на нејзината ќерка, да се повлече од кралскиот живот, е во интерес на целата семејство, но и на монархијата.
