Поранешната учесничка во реално шоу Александра Суботиќ и ќерка на Љуба Пантовиќ повторно предизвика бура на социјалните мрежи, овој пат со објава во која го искажува своето мислење за современите односи меѓу мажите и жените.
На својот Инстаграм профил, Александра истакна дека денешните жени носат преголем товар на одговорност, а сето тоа поради, како што вели, „слабите мажи“ кои ги принудуваат да станат силни и мажествени.
– Слабите мажи прават силни и мажествени жени. Ова е нешто што е сосема неприродно, но за жал и реалноста на модерната ера. Мажи кои не можат ништо и жени кои се создадени за сè. Жените се принудени да бидат способни: да заработуваат пари, да бидат и татко и мајка, да влечат, да носат и така натаму. И тука жената ја губи својата женственост. Не дозволувајте да ви го одземат она што сте. Не знам од каде ми дојде инспирацијата, но морав – напиша Суботиќ.
За потсетување, Александра Суботиќ е во врска со постариот Предраг Распоповиќ, попознат како Пеца Вијагра, со кого имаше многу бурна врска. Имено, пред три години, Пеца ја изневери Александра со нејзината тогашна најдобра пријателка Маја Маринковиќ и отиде на море со неа, додека ја остави Александра во Нови Сад со децата.
И покрај бурната врска и јавната измама, Александра по некое време ја преболе оваа измама и ја обнови љубовта кон Пеца.
Сепак, неодамна повторно беше тема на дискусија откако одговори на прашањето „дали е слободна“.
– Не сум сама, дури ни кога сакам да бидам – напиша таа.
