Балканската фолк легенда Весна Змијанац отворено проговори за несогласувањата со својата наследничка, пејачката Николија Јовановиќ. Иако денес се во одлични односи, патот до разбирањето не бил секогаш лесен, особено во годините кога Николија била бунтовна тинејџерка.
Факултетот бил услов за сè
Весна откри дека уште од мали нозе ѝ поставила јасен услов на својата ќерка – може да се занимава со што сака, но прво мора да заврши факултет.
„На Николија ѝ реков: прави што сакаш, само заврши факултет. Тоа ми беше целта. Што сè имаше таа во главата тогаш, тоа не е моја работа. Јас знам што сугерирав како мајка и тоа беше моја должност. Се расправавме и за моите здравствени проблеми, но тоа е нормално. Ништо страшно“, раскажа Весна за медиумите.
Николија: „Разводот на родителите ме скрши“
Од друга страна, Николија во една прилика призна колку тешко го поднела разводот на Весна и нејзиниот татко Владо Јовановиќ. Иако била свесна дека многу деца растат без родители, таа болка ја носела долго во себе.
„Мене тоа ме разнесе. Секогаш си велам: ‘Не биди размазена’, некои луѓе како сопругот Реља пораснале без татко и сигурно му било потешко. Но, мене разводот на моите многу тешко ми падна. Среќа што купија станови на Врачар во соседни улици, па барем не морав да одам далеку за да ги видам“, истакна Николија.
