Пејачката Јована Пајиќ и пејачот Александар Цветковиќ, познат како Сале Тропико, официјално ставија точка на својот брак, пренесуваат медиумите. Поранешните сопружници кон крајот на 2021 година одлучиле дека е време секој да тргне по својот пат.
Така и се случи, а сега и формално повеќе не се во брачна заедница.
Инаку, тие имаат две ќерки, Џина и Хелена. И денес ги воспитуваат заедно и одржуваат добар однос поради нив.
Во периодот на разделба се посветиле на своите кариери, а Сале во меѓувреме нашол и нова партнерка. За љубовниот живот на Јована, пак, малку се знае.
Дека постапката за развод е при крај, неодамна најави и самиот пејач.
– Пред некој ден славевме 14 години брак. Наскоро и формално ќе се разведеме, но ние сè уште сме во брак – изјавил тој во емисијата „Амиџи шоу“.
