Американската пејачка Аријана Гранде повторно има сериозни здравствени проблеми и со месеци не може да го излекува грлото и има страшни главоболки. Пејачката изјавила дека не може да сфати што се случува со нејзиното тело.
Уште во мај Гранде ги откажа концертите на Флорида бидејќи нагло се разболе. Тогаш сè се припишуваше на алергиските реакции поради кои ѝ се затворило грлото, како и на менталните проблеми по терористичкиот напад пред неколку години, кога од бината во Манчестер беспомошно гледала како умираат 22 луѓе за време на нејзиниот концерт.
Во саботата на фановите преку Инстаграм пејачката им навести дека здравјето пак ѝ се влошува.
Напиша дека едвај дише и дека многу ја болат грлото и главата.
„Уште сум многу болна. Не ми е добро уште од последниот концерт во октомври во Лондон“, напиша Гранде.
Напомена и дека навистина не знае што се случува со нејзиното тело во овој момент и дека допрва треба да сфати што се случува со нејзиното здравје воопшто.
