Пејачот Харис Џиновиќ се огласи по веста дека неговата поранешна сопруга Мелина повторно стапила во брак, овојпат со британски милионер, со кого сега живее во Монте Карло.
Иако јавноста не престанува да зборува за нејзиниот нов живот, Џиновиќ јасно стави до знаење дека тоа воопшто не го интересира.
„Ништо не сум ни испратил, ниту ме интересира. Немам никакви желби ни пораки за неа. Таа едноставно не постои за мене и тука е крај“, изјави пејачот.
Тој додаде дека одамна го затворил тоа поглавје и целосно се посветил на својот живот, семејството и кариерата.
„Дали ќе се омажи, што ќе прави – тоа не ме интересира. Јас одамна продолжив понатаму“, рече Џиновиќ.
Пејачот откри дека периодов е фокусиран на настапите и спортот и дека се чувствува одлично.
„Се враќам од тениски турнир, играв и во Сараево, имав настапи… Животот ми е ведар и позитивен“, изјави тој.
Во меѓувреме, нивните деца имаат различен однос кон новата ситуација. Синот Кан не сака да биде дел од новиот живот на мајка си, додека ќерката Ѓина одржува близок однос со неа и веќе се запознала со нејзиниот нов сопруг.
На крајот, Џиновиќ испрати и порака која предизвика реакции: „Да не бев јас Харис Џиновиќ, ништо од ова немаше да биде гламурозно“.
