Рајан Рејнолдс за првпат поотворено проговори за тоа како тој и Блејк Лајвли поминуваат низ период обележан со правна битка со Џастин Балдони, ставајќи го во фокус интегритетот на сопругата и нивната потреба да го зачуваат вистинскиот живот подалеку од случувањата.
Актерот во разговор со Вили Геист, за време на снимањето на емисијата „Sunday Sitdown“, навести колку е исцрпувачка целата ситуација, но и колку цврсто стои покрај сопругата.
„Луѓето немаат поим што навистина се случува, знаеш?“ рече Рејнолдс, зборувајќи за сè што се одвива пред очите на јавноста во последните месеци.
Рајан Рејнолдс не криеше колку е импресиониран од начинот на кој Блејк Лајвли се справува со целата ситуација.
„Никогаш во животот не сум бил погорд на својата сопруга“, рече тој, а потоа додаде:
„Никогаш во животот не сум бил погорд на некого кој има такво ниво на интегритет, кој го носи со себе и го внесува во сè што прави.“
Во истиот разговор се осврна и на разликата меѓу јавната слика и она што навистина се случува зад затворени врати.
„Навистина гледаш некаква илузија зад сето тоа, знаеш? Дигитален живот наспроти вистински живот“, порача тој.
Правната битка сè уште трае
Блејк Лајвли го тужеше Џастин Балдони во декември 2024 година за сексуално вознемирување и одмазда, наведувајќи низа инциденти кои, според нејзините тврдења, се случиле за време на снимањето на филмот „It Ends With Us“. Балдони ги отфрли обвинувањата, а потоа возврати со контратужба тешка 400 милиони долари, која во меѓувреме беше отфрлена.
На почетокот на овој месец следеше нов пресврт, кога беа отфрлени 13 наводи од тужбата на Блејк Лајвли против Балдони. Неговиот правен тим тогаш изјави:
„Многу сме задоволни што Судот ги отфрли сите тврдења за сексуално вознемирување и сите барања поднесени против поединечните обвинети.“
