Дружењето и музиката си го направија своето, споија уметници кои створија едно музичко дело за уживање во овие есенски денови.
Сара Мејс и Ај Кју создадоа едно музичко дело за уживање во овие есенски денови. Песната е насловена како „Трепет“, за како што велат тие, „да влезат со трепет во есента“.
Песната е на Сара и е настаната пред неколку години, кога на „Макфест“ е изведена од Тања Би, со аранжман на Дамир Имери. Идејата да се направи соработка за неа потекнала од Бојан, а премиерно е отсвирена од Сара и Ај Кју на Skopje Unplugged 2020.
„Бојан и Марија честопати ми зборуваа за оваа песна. Ова лето го искористивме слободното време што го имавме повеќе од вообичаеното, ја стокмивме „Трепет“ и ја отсвиревме премиерно на Skopje Unplugged 2020. Ни се допадна изведбата и како сето тоа звучеше, па решивме да ја крунисаме со спот за да влеземе со трепет во есента. Ова е за сите оние што знаат да уживаат и се среќни со тоа што го имаат“, изјави Сара за настанувањето на „Трепет“.
