Познатата пејачка Јелена Карлеуша синоќа имаше настап во еден клуб во Босна и Херцеговина, каде го привлече вниманието со својот се попредизвикувачки стајлинг.
По неодамнешниот настап во белградска арена, каде што носеше „пиштол“ како дел од својот изглед, Карлеуша и овој пат избра слична естетика.
Имено, во комбинација со црн топ, Карлеуша облече мини здолниште, впечатливи ракавици со прерамки во рок стил, црни чизми и очила. Дефинитивно, нејзиниот изглед беше нешто што ја остави публиката без зборови.
Инаку, публиката беше подготвена да чека со часови за да влезе во клубот и да го доживее настапот на Карлеуша, што јасно сведочи за големата популарност на оваа пејачка. Интересот за настапот на српската ѕвезда беше толку голем што еден од присутните изјави дека „денес сите патишта водат кон Прњавор“.
Очигледно е дека Карлеуша, сепак, успеа да го задржи статусот на една од најголемите ѕвезди на домашната естрада, привлекувајќи внимание со својот музички талент, но и со својот изглед.
