За непристоен предлог кој го добил од обожавателка, раскажа македонскиот победник на шоуто „Ѕвездите на Гранд“ Никола Станишиќ. Тој гостуваше во „Цеца шоу“ на ТВ „Блиц“ кое го води Цеца Ражнатовиќ.
Кога Цеца го праша: „Кое е најнепристојното нешто што сте го доживеале од обожавателка“, тој прво одговори дека за такво нешто не сака да зборува во јавноста. Потоа, на инсистирање на Цеца, Никола рече:
„Една од тие желби беше на една девојка да ѝ се потпишам баш на гради“; рече Никола, а Цеца му оговори дека тоа не е тоа толку страшно, и го праша дали била облечена.
„Необлечена“, одговори Никола кој во емисијата што Цеца ѝ ја посвети на Македонија гостуваше со Каролина Гочева, Иван Милески, Мики Секуловски и деветгодишниот Богдан Обрадовиќ, кој е европски боречки шампион.
Претходно, Никола во една емисија раскажа дека имал голем проблем во претходната врска бидејќи родителите на неговата девојка не го прифатиле.
„Раскинав со девојка ми поради приказните дека сум Ром, музичар, дека ќе ја оставам. Нејзините родители не ме прифатија, имаше многу проблеми. Се обидов да го издржам сето тоа, да трпам, но ако нешто е на сила, тогаш не функционира. Имавме притисок од двете страни“, рече Никола во подкастот.
