Анастасија Ражнатовиќ и нејзиниот сопруг, фудбалерот Немања Гудељ, деновиве од Шпанија пристигнаа во Белград, а дел од атмосферата од нивниот ноќен излез таа ја сподели со следбениците на Инстаграм.
Двојката излезе во град со пријатели, а Анастасија блесна во елегантен црн фустан со откриени раменици. Изгледот го заокружи со впечатлив црвен кармин, кој дополнително ја истакна нејзината појава.
Во еден момент, таа ја сврте камерата кон Немања, кој со насмевка позираше – момент што не помина незабележано, бидејќи парот без сомнение беше во фокусот на многу љубопитни погледи.
По неколкудневниот престој во Србија, Анастасија се враќа во Севиља, каде што со сопругот ќе ги помине новогодишните и божиќните празници. Двојката одлучи 2026 година да ја пречека во еден од најелитните ресторани во градот, во интимна и свечена атмосфера.
