Само неколку дена откако нејзиниот поранешен свршеник Марио Б. беше уапсен по потерница на Интерпол во Белград, Милица Тодоровиќ објави снимка на која ја пее песната „Жао ми је жао“, па многумина се прашуваат дали овие стихови се токму за него.
Пејачката на својот Инстаграм-профил покажа дека ужива во кафеана, а во еден момент се сними додека ја пееше нумерата „Жао ми је жао“, по што многумина помислија дека се пронашла во овие стихови поради апсењето на поранешниот свршеник, за кого медиумите денови наназад пишуваат.
„И учам сега да страдам, кога наивна бев. Се обидувам да сфатам каде згрешив. Жал ми е, жал, што ми застана на патот и што ми ја украде среќата, а за возврат само ми даде солзи“, пееше Тодоровиќ, видно расположена и дотерана.
„Драги мои луѓе, добар ден. Како што видовте, не сакав да се огласувам првите 24 часа, но кога видов колку далеку отиде сето ова, морав да се обратам. Сакам да кажам дека немам никаква врска со овој настан, бидејќи веќе некое време не сум во љубовна врска. Жал ми е, но така е. Се случуваат и убави и лоши работи, што да правиме, таков е животот. Одиме понатаму, насмевка“, рече тогаш Милица и испрати бакнеж во камерата.
