Црногорскиот пејач Владо Георгиев вчера го одржа долгонајавуваниот „Концерт на вода“ во својот роден град Херцег Нови, но импресиите кои пристигнуваат од посетителите ден потоа се претежно негативни.
Како што пишуваат регионалните медиуми, концертот требало да започне во 21 часот, но Георгиев се појавил на сцената речиси два часа подоцна. Тој веднаш почнал да пее, без да им се извини на своите обожаватели за доцнењето.
Но, она што го привлекло вниманието кај присутните е тоа што пејачот едвај стоел на нозе, се тетеравел додека се движел на сцената, а во неколку наврати и ќе паднел за малку. Георгиев оставал впечаток дека нема контрола врз своето движење и делувал како да е во алкохолизирана состојба.
Денеска се појавија неколку снимки од скандалозното однесување на пејачот, а многумина на социјалните мрежи упатија критика до Георгиев за неодговорниот пристап во работата.
„Жал ми е што го видов ова. Навистина ми е жал“, „Овој човек е пијан од раѓање“, „Зошто се тетеравиш ако Земјата е рамна?“, „Не само што доцнеше два часа, туку и звучеше ужасно. Владо, навистина ја разочара својата публика што толку долго го чекаше овој концерт“, гласат дел од коментарите.
