Оркестарот Калуш победи на овогодинешната Евровизија која се одржа во Торино со песната „Стефанија“.
Нивната песна е интересна комбинација на рап и етно музика, што и се допадна на публиката, а текстот на песната е посветен на мајката на фронтменот на бендот, Олег Псјук.
View this post on Instagram
Украинците беа пресреќни со победата на своите претставници, па во нивна чест една железничка линија ја преименуваа во „Стефанија експрес“, по името на оваа победничка песна.
View this post on Instagram
Шефот на железничката служба на Украина најави дека во иднина возот број 43, кој сообраќа од Киев до Ивано-Франковск, ќе го носи името „Стефанија експрес“. Исто така, секогаш кога возот ќе застане на железничките станици во Киев, Калуш и Ивано-Франковск, ќе се свири победничката песна, пренесува „Хина“.
