20.8 C
Скопје
04:07 - 30 јуни, 2022

(Фото) Цветен рај на 4 квадратни метри на охридскиот балкон на Соња Гега: „Цвеќињата се лек за душата“

Испивме утринско кафе на балконот на госпоѓа Соња Гега во Охрид, и се уверивме дека и од мал простор може да се направи рајска „градина“. Тука, и вкусот на кафето беше поинаков, поубав, а во разговорт со Соња научивме нешто повеќе за цвеќињата. 

Соња ги сака саксиите со цвеќиња во живи бои, расцутени, сама сади, сама арнажира, комбинира…А ги гледа со многу љубов и посветеност. Фото-приватна архива

– Оваа терасичка е од новиот стан и првпат сега ја уредувам – со радост ни раскажува Соња. – Мала е, четири метри квадратни. Претходно пак, бев посветена на претходниот балкон кој беше поголем, околу 8 квадратни метри. И двата балкона се на јужна страна и бараат цвеќиња отпорни на сонце: сардели, пркос, вербени, газении…Тоа го дознавам читајќи на Интернет. Сарделите се мои, еднаш купени, па потоа размножувани. Останатите се едногодишни, ги купувам зависно кој аранжман сакам да го направам – вели Соња.

Соња ги сака саксиите со цвеќиња во живи бои, расцутени, сама сади, сама арнажира, комбинира…А ги гледа со многу љубов и посветеност.

– Со нив сум повеќе години од хоби и љубов, премногу ги сакам, ми помагаат да ја надминам осаменоста по смртта на сопругот и заминување на ќерката на магистратура и докторат. Оттогаш тие станаа мое сè – искрена е Соња.

Се разбира, за оваа убавина потребно е многу вложување љубов, а „време секогаш ќе си најдеш ако нешто сакаш, а колку време ќе посветиш тоа зависи од самиот тебе и колку и какви цвеќиња имаш“ – вели нашата соговорничка.

Инаку, цел работен век била банкар, со завршен економски факултет, а од декември е пензионерка. Затоа си купила помал стан. Сакала поголема тераса, меѓутоа немало.

– Ако е мала, јас од неа си направив катче за одмор, за кафенце, а искрено и внукичката која сега ме дружи многу ги сака цвеќињата и тоа ни е катче и за појадок, ручек, за нас двете. Си имам дел со масичка и две столчиња. Најубавата нејзина игра е тука. Со еден збор, терасата е нашиот дом, нашиот живот – објаснува Сања и нагласува дека многу ја сака природата, цвеќињата, дека тие ја вратиле во живот, ја одржале позитивна, ведра, насмеана, ако е сама.

„Тие се лек за душата“ – вели – „Со нив наоѓам мир и спокој и ми ја исполнуваат душата“.

Цвеќињата ги уредува исклучиво по нејзини замисли и идеи, не бара инспирација на други места. Тоа како да ѝ е вродено, уредување на дом и градина.

Но не само балконот. И домот на Соња е полн со цвеќиња. Ги има дури и во кујната. Секогаш расцутени, разиграни, во живи бои кои влеваат живот и позитивна енергија.

Инаку, Сања е членка на Фејсбук групата …ДВОРЧЕТО…, група која ви ја препорачуваме да си станете член и да се изнагледате преубави објави!

Уживајте во прекрасната фотогалерија.

 

Фото – Приватна архива

(Фото) Ова е цветното царство на Евица и Благе Додевски: Леандри, рози, камени црквички…и многу љубов!

Слични објави

Ева Лонгорија за абортусот во САД: „Ние жените нема да молчиме; требаше Обама да именува нови судии, а не Трамп“

Еспресо

„По разделбата со Џони Деп ги собирав деловите од својот живот, не се грижев за себе“, Винона Рајдер отворено за своите мрачни периоди од животот

Еспресо

Сузана Манчиќ прозборе за голите фотографии: Заработив повеќе од кој било во историјата на Плејбој

Еспресо

Од Летиција од Шпанија до Брижит Макрон, Џил Бајден и Елизабета Ѓоргиевска: Најдобрите модни изгледи на гала вечерта на самитот на НАТО

Еспресо

Портпаролот на Џони Деп: „Нема враќање во Пиратите од Карибите“, фановите се разочарани

Еспресо

Славчо Попоски најавува нестабилност со пороен дожд

Еспресо
Се вчитува....