Некогашната тинејџерска музичка ѕвезда Ламбе Алабаковски, по неколку години живот во Америка, заедно со својата сопруга Магдалена и синовите Михаил и Димитриј одлучи повторно да се врати во Македонија, во родната Битола.
Ламбе во Македонија е од лани летото. Неодамна пејачот по долга музичка пауза настапи на концертот посветен на Тоше Проески и Аки Ракимовски.
Пејачот на својот инстаграм – профил сподели прекрасна семејна фотографија од прославата по повод крштевката на својот помлад син. Преслаткиот Димитриј со руса кадрава коса во април наполни две годинки, а викендов имаше свето крштевање во манастирот Св.Јован Бигорски.
“Вие кои во Христа се крстивте во Христа се облековте”
(Гал. 3:27) Крштевка на помалиот син Димитриј – напиша пејачот.
