Се наоѓаме среде едно од најдрагите годишни времиња на многумина – летото, а повеќето од познатите личности веќе отпатуваа на интересни дестинации и редовно споделуваат како ги поминуваат топлите денови.
Меѓу нив е и нашата најуспешна манекенка Катарина Ивановска, која со објава на својот инстаграм-профил направи мало резиме за најинтересните случувања од нејзиното секојдневие. Од квалитетно време поминато со своите деца, синот Вања и ќерката Кира, па сè до романтични излегувања со партнерот Стефан Ханџиски – Ивановска има навистина исполнето лето годинава.
Како музичка основа за фотографиите ја избра песната „All on a Summers Night“ на легендарната Грејс Џонс, која летово направи спектакуларен концерт во рамки на фестивалот „Скопје колинг“. Меѓу другото, манекенката објави и фотографија од овој музички настан.
„Лето на пола“, напиша Ивановска во описот на фотографиите, додавајќи емотикони кои асоцираат на лето – сонце, море, риби и сл.
View this post on Instagram
