Македонскиот водител Марко Новески, најпрепознатлив по телевизискиот проект „Дај побрзај“, и инфлуенсерот Кристијан Станковски, познат како Бомбакис на социјалните мрежи, се на летување со нивните деца во „македонскиот бисер“ Охрид.
Ова дуо, кое неретко е во заедничко друштво, објави заедничка фотографија – Марко позира со близнаците Веда и Вања, а Бомбакис ја држи својата ќеркичка Бисера во раце.
„Единственото вистинско богатство во животот е ова“, напиша Бомбакис во описот на фотографијата.
Да потсетиме, Марко Новески и неговата сопруга Цена Плавеска стапија во брак во август 2021 година. Три години подоцна, тие станаа и родители на Вања и Веда, за кои водителот вели дека се неговата „дупла среќичка“.
Пред еден месец, водителот и неговата сакана за првпат отидоа на семеен одмор со близнаците, кои се родија во април годинава.
„Одиме на плажа. Можеби Веда и Вања нема да се сеќаваат, но јас и сопругата сигурно никогаш нема да го заборавиме првото одење на плажа со нив“, напиша тој во описот на фотографиите, кои ги објави на својот инстаграм-профил.
Што се однесува до Бомбакис, тој се ожени за неговата избраничка Вики Дојчиновска во јуни минатата година. Тие ја добија ќерката Бисера пред седум месеци, поточно кон крајот на декември.
