Свршеникот на Милица Тодоровиќ, Марио Б., беше уапсен пред една недела по потерница на Интерпол, а детали за него сега откри и старлетата Тијана Ајфон.
По неговото апсење, во јавноста почнаа да се појавуваат информации за бизнисменот, а љубовниот живот на Милица и Марио посебно го привлече вниманието на медиумите.
Старлетата Тијана Максимовиќ, позната како Тијана Ајфон, за домашните медиуми изјави дека го познава Марио, но дека не знаела дека е во врска со пејачката.
Таа откри дека Марио никогаш не ѝ споменал дека има девојка или свршеница.
„Да, го познавам тој Марио. Искрено, никогаш не спомена дека е во врска, а уште помалку дека е со Милица. Не би ја продлабочувала оваа тема, имам попаметна работа отколку да се занимавам со препродавачи на автомобили и измамници“, изјави Тијана за „Курир“.
Инаку, според информации од извор близок до Милица, Марио бил уапсен во нејзиниот стан.
