Режисерот Квентин Тарантино и неговата сопруга Даниела, кои се венчаа на скромна церемонија минатата година, го очекуваат нивното прво дете.
Филммејкерот има 56 години, а тој и сопругата се возбудени поради доаѓањето на бебето. Информацијата ја потврдиле со ексклузивна изјава за магазинот Пипл.
Даниела е ќерка на израелскиот пејач Цвика Пик. Тие се запознале во 2009 година, за време на промоцијата на филмот „Inglorious Bastards“. Се венчаа во 2018 на интимна церемонија во Лос Анџелес.
На нивната венчавка присуствуваа и Брус Вилис, Семјуел Л. Џексон и Ума Турман.
