Пејачката Тања Савиќ заедно со својот свршеник Мухамед Муќи Бешиќ купи големо парче земјиште во близина на родното село Радинац, крај Смедерево, каде што ќе изгради вила од околу 500 квадрати. Новиот дом ќе содржи базен, голем тревник и куќички за милениците, а една од собите ќе биде специјално адаптирана во гардеробер.
Блиски извори за медиумите откриваат дека пејачката ја вложила целата своја заштеда во оваа инвестиција. Таа сака во новиот дом да живее со Муќи и своите два сина, а како што призна, посакува и трето дете, па затоа им е потребен поголем простор од сегашниот.
„Тања веќе поднесе барање за пренамена на земјиштето од шумско во градежно, ги доби урбанистичките услови и проектот за куќата. Сега чека градежна дозвола, по што ќе започнат работите“, наведува извор близок до пејачката.
И самата пејачка откри дека ова за неа е исполнување на долгогодишен сон.
„Можеби звучи страшно, но јас никогаш немав своја куќа! Откако почнав да работам, секогаш плаќав кирија. Сонував за свој дом и дворно место, и конечно дојде време да го остварам тоа. Пресреќна сум!“, вели Савиќ.
Таа додава дека проектот за вилата првично бил предимензиониран, но поради условите морале да го изменат. Сепак, инсистирала да има соба за гардероба, бидејќи, како што вели, „веќе нема каде да ја смести целата облека, костими, обувки и чанти“.
