Никола Станишиќ освојува не само со својот моќен глас и одличните интерпретации, туку и со својата позитивна енергија и весел дух.
Покрај тоа што ја воодушевува публиката на сцената, Никола често им носи насмевка на лицата на своите следбеници на социјалните мрежи.
На својот инстаграм-профил, каде што редовно објавува интересни моменти од своето секојдневие, Станишиќ сподели уште една симпатична ситуација која веднаш стана хит меѓу фановите.
Имено, додека возел автомобил и пеел, Никола наишол на повозрасен господин кој стоел покрај патот.
Наместо само да помине, пејачот го отворил прозорецот и продолжил да пее заедно со него, што очигледно го воодушевило минувачот.
На видеото кое можете да го погледнете ОВДЕ јасно се гледа како човекот ужива во моментот, со насмевка на лицето и аплауз за младиот пејач.
Овој гест уште еднаш покажа дека Никола Станишиќ, освен што е голем талент, има и големо срце, а публиката уште повеќе го сака поради тоа.
