Нашата годинешна претставничка на Евровизија, покрај со одлична песна, ќе настапи со креација на креаторот Александар Ношпал.
Еден од најчестите коментари на Јутјуб, под официјалното видео, е дека публиката се надева дека конечно ќе се претставиме со одличен сценски настап и добро избрана гардероба на претставникот, алудирајќи на неколкуте промашувања од изминатите години.
Евровизија се очекува да ја следат над 500 милиони гледачи од целиот свет, бидејќи овој фестивал има обожаватели и во земјите кои не учествуваат.
Песната „Proud“ секој ден станува се поголем хит и добива многу позитивни коментари.
Ношпал „облекувал“ и претходни наши претставници, меѓу кои и XXL во 2000 година, Каролина во 2002 и Тоше Проески во 2004.
