Скоро да не пројде недела, а да Џенифер Лопез и Алекс Родригез не ги видиме на влезот во теретаната во која веќе имаат добиено и посебен третман, па смеат да ја користат и за време на коронавирусот. Тоа е еден од синонимите на здравиот начин на живот кој ја поттикнува активноста, а резултатите не се во недостиг.
Неверојатните стомачни мускули на 50-годишната латино дива покрај која би се посрамотиле и дупло помлади девојки, оставаат без текст. Но, освен спортската активност, дел од заслугата има и правилната и урамнотежена исхрана. Доколку сте се запрашале како точно изгледаат оброците на овој славен пар, сега тоа е познато. Нивниот сега веќе поранешен кувар Келвин Фернандез, кој за нив работеше полни 2 години, откри како тие се хранат и што се се наоѓа во нивната кујна.
„Во куќата секогаш ќе пронајдете минерална вода, многу овошје и зеленчук, особено јагоди. Иако Џеј Ло не е претеран љубител на овошјето, децата го обожаваат. Алекс обожава денот да го започне со свеж зелен напиток од многу зеленчик“, изјавил куварот. Кога станува збор за појадокот, во куќата Родригез-Лопез тој е неизбежен.
„Најчесто појадуваат јајца, а и сланината е неизбежен дел од тој оброк. Понекогаш се одлучуваат за пилешко или колбасици, но секогаш има јајца и тоа им е особено важно. Тие се тим кој многу добро знае што и кога ќе јаде, затоа им се богати залихите“, изјавил и додал:
„За нив во кујната секогаш има многу јајца, здрави грицки, а за децата и понекое слатко“.
