Таа е најконтроверзната македонска пејачка: Се слика гола и симулира се*с со сладолед (ФОТО)

Кој тоа таму настапува? Бидејќи сите ги кренале телефоните за да снимаат! Како гром од ведро небо, македонската сцена се запозна со Принце$$ Донатсу.

„Пристојно ситуиран живееш на брдата
девојкати не следи ама нема инстаграм
не ми се јави јас те чекав со чупината
последна шанса и се враќам пак во Битола
ќе доминирам кога газам по широк сокак
и тогаш нема својот инбокс да го проверам

Не ми се јави јас те чекав со чупината
последна шанса и се враќам пак во Битола”

Пеејќи ги овие стихови по гаќички во хотелска соба, новата принцеза на современото музичко изразување, за само неколку часа имаше рекордна бројка од прегледи на Youtube, и се разбира, многу позитивни и негативни коментари. Но, тоа не е битно сега. Битно е дека каде и да настапува Донатсу, таа е во центар на вниманието, барем според она што може да се забележи од социјалните медиуми. Иако зад себе има само 2 видеозаписи, чупево е на пат за многу повеќе, бидејќи автентичноста секогаш се памети, па така Кика веќе има свои обожаватели кои дефинитивно знаат дека Принце$$ Донатсу е многу повеќе од девојче што се соблекло пред камера (и притоа добило лоши коментари, бидејќи во ред е кога сите светски ѕвезди го прават тоа, ама кога девојче од тука блика со самодоверба и доловува битна порака преку креативно изразување, првото прашање е „На што дроги е малава”).

Дефинитивно битолчанката Принцес Донатсу како што се потпишува секаде е најконтроверзната пејачка која се појавила на македонската музичка сцена. Покрај нејзиното активно учество во „Фчерашни новости”, Кика успева преку сарказам и хумор и во своите стихови да го избегне cheesy изразувањето и да долови поента. Проникливоста, автентичноста и искреноста на младата Донатсу е совршена комбинација која создава песни и спотови кои ќе котираат високо и на балканската сцена (пред само неколку дена, забележавме дека Донатсу беше на стори кај MAC – Music Awards Cerenomy, што најверојатно значи дека на второто издание на престижната манифестација, нашата млада креативка ќе ја добие и првата номинација во некоја од категориите, што е навистина за поздрав!)

Напред чупе!