Светско шоу одржа регионалната музичка ѕвезда Сенидах во Скопје, на концертот кој се одржа вчера, симболично на Денот на вљубените, 14 февруари, во салата „Јане Сандански“.
Публиката со згодната пејачка во еден глас ги пееше рефрените на хитовите кои претходно ги слушна целиот регион: „Делија“, „Бехуте”, „Слаѓана”, „Иди гаде” и многу други.
Салата беше полна со обожаватели кои уживаа во несекојдневната забава со Сенидах, надополнета со богат сценски настап и одлично осветлување и озвучување. Визуелните проекции и внимателно осмислената сценографија го претворија концертот во вистинско аудиовизуелно доживување.
Балканската музичка сензација ја претвори Арената „Јане Сандански“ во центар на енергија, емоции и спектакл, приредувајќи шоу на светско ниво под продукциска режија на „Скај мјузик“.
„Слатко мое Скопје“, рече Сенидах пред концертот, а на самиот настан таа со публиката се соедини како едно тело и постојано комуницираше со нив, со песните и со интересни приказни.
Дефинитивно, Скопје доби шоу кое долго ќе се памети. Препознатлива по моќниот вокал и единствениот звук кој храбро ги спојува аренби, трапот и балканските ритми, Сенидах докажа дека го залсужи статусот, ѕвезда на новата генерација
