Продуцентскиот партнер на Софија Вергара, Луис Балагер, поднесе барање за мерки за заштита на актерката, нејзиниот сопруг Џо Манганиело, нејзиниот возрасен син Манола и самиот себе поради маж кој неодамна е уапсен поради неовластен влез во затворента заедница во која живее ѕвездата.
Балагер во судските документи наведува дека Рангифо Рандазо, ментално нестабилен маж, при апсењето поради престапот признал дека ги демнел нив четворица.
Според пишувањето на „TMZ“ продуцентот наведува дека тие стравуваат за своите животи бидејќи Рандазо повеќе пати ги малтретирал.
Во пријавата се наведува дека тој е повеќе пати приведуван поради насилство во семејството, а мерки за забрана за него веќе побарале и некои други личности.
Од судијата бараат на Рандазо да му се одреди забрана за приоѓање на помалку од 100 метри.
Ѕвездата на серијата „Модерно семејство“ и нејзиниот сопруг актерот во неделата ја прославија петтата годишнина од бракот и на социјалните мрежи споделија видео од својата раскошна венчавка на Флорида.
„Среќна 5 годишнина Џо Манганиело, те сакам“, напиша 48-годишнта Вергара и објави фотографии од венчавката на која тие двајца ја сечат свадбената торта пред олтарот и не можат да го оттргнат погледот еден од друг.
Пет години помладиот сопруг и возврати на Вергара со објавата на снимка од нивниот прв свадбен танц на песната од Френк Синатра „The Way You Look Tonight”.
Покрај видеото Манганиело на сопругата и напиша „Среќна петта годишнина, љубов моја. Толку многу те сакам“.
