Кристина Агилера (38) во четвртокот навечер на доделувањето на наградите „Community Hero“ одржа емотивен говор и откри низ каков проблем поминала низ детството.
Имено, познатата пејачка била жрва на насилство во семејството. Таа, нејзината сестра и мајка биле малтретирани од таткото и биле принудени да побегнат од куќата.
Кристина инаку ги поддржува добротворните организации кои на неа и се многу драги, а чија цел е да им обезбеди кров над глава на бездомниците и жените со деца.
Додека го држела говорот за поддршка на жртвите од насилство, пејачката се потсетила и на својата приказна.
Таа раскажала како со нејзината мајка и сестра морале да избегаат од куќата за да избегнат физичко насилство од таткото. Таа е многу благодарна на нејзината баба која секогаш била тука за нив и која ги примила во својата куќа.
– Одвратно е веќе често се случува на луѓето кои ги сакаме. Ова ми е многу драга организација, бидејќи пораснав како некој што преживеал насилство. Сигурна сум дека и многумина од вас се погодени. Музиката која ја создавам, текстовите кои ги пишувам, се тоа доѓа од моето срце. Среќна сум и почестена што сум во можност да донирам во вакви организации – рекла Агилера.
