Актерката Скарлет Јохансон и нејзиниот сопруг Колин Џост чекаат принова, пренесува „Пејџ Сикс“.
Информацијата дека актерката е бремена ја сподели со јавноста нејзиниот сопруг Колин, кој на неговата изведба ја откри убавата вест. Од возбуда, не можеше да ја зачува оваа информација, па јавно ја откри.
Пред неколку месеци се шпекулираше дека Скарлет е бремена, за што таа не коментираше, но сега Колин официјално го потврди тоа на еден од неговите стенд-ап настапи.
„Ќе имаме бебе и тоа е неверојатно“, возбудено изјави Колин на неговиот настап во Кентаки.
Двојката е во брак од 2020 година, по тригодишна врска, а Скарлет ја има шестгодишната ќерка Дороти, од првиот брак со францускиот новинар Роман Дуриак. Колин и Скарлет се венчаа во Њујорк во нејзината куќа минатиот октомври, во мала и интимна церемонија со најтесниот круг на семејството и пријателите.
