Српската актерка Милица Томашевиќ со години важи за една од најатрактивните дами на јавната сцена, а нејзиниот приватен живот често бил во фокусот на медиумите.
Особено внимание привлече нејзината поранешна врска со Виктор Живојиновиќ, синот на Лепа Брена и поранешниот тенисер Боба Живојиновиќ.
Иако во јавноста важеа за складен и вљубен пар, нивната романса не траеше долго. По раскинувањето почнаа шпекулации дека причина за несогласувањата биле интимните сцени што Милица ги снимала за актерските проекти, но ниту актерката ниту Виктор никогаш јавно не ги потврдија тие тврдења.
Во едно од ретките интервјуа во кое зборуваше за поранешниот партнер, Милица имаше само пофални зборови за него и за неговото семејство.
„Виктор е прекрасно момче. Има одлично воспитување и прекрасни родители. Боба и Брена се исклучително топли и срдачни луѓе“, изјавила таа тогаш за српските медиуми.
Актерката во повеќе наврати отворено зборувала и за својот тежок пат до успехот. Иако уште од детството знаела дека сака да се занимава со уметност, нејзините родители инсистирале да избере „посигурна“ професија.
Поради тоа, паралелно студирала актерска уметност и економија, а како што самата открила, успеала да биде меѓу најдобрите студенти и на двата факултета.
„Беше напорно да се усогласи сè, но денес ми е драго што ја завршив и економијата. Често и колегите бараат совет од мене“, раскажала актерката.
