Поранешниот познат пар Северина и Игор Којиќ неодамна официјално се разведоа по многуте шпекулации дека нивниот брак е во криза. Бабата на Игор прозборе за медиумите, откривајќи ги сите детали.
И баба Добрија се огласи за разводот на Севе и Игор, за хрватскиот портал „24 сата“. Таа има 84 години и прозборе како таа гледа на поранешната врска, и на актуелниот развод на славниот пар. Вели дека ја запознала пејачката кога ја организирале свадбата (со околу 600 гости).
Баба Добрија вели дека баш ѝ е гајле и дека таа не била прашана ни кога се зимале, ни кога се разведувале. Објаснува и дека на свадбата било убаво што се однесува до трошокот на семејството Којиќ.
-Веднаш кажав дека од тој брак нема да биде ништо, вели баба Добрија и додава – не ми се допадна однесувањето на Северина. Игор ја донесе да ме запознае, а таа само ми ја даде раката и веќе со мене не зборуваше.
Добрија нагласува дека нема добро мислење за Северина и не жали за разводот.
-Тој е млад, може да се ожени уште пет пати. Северина во мај наполни 50 години. Син ми Драган целото богатство го даде за свадбата во Белград, објаснува бабата на Игор.
Потоа, луто додава дека неа никој за ништо не ја информира, туку сè дознава од весници и од телевизија. Прчината за кавгата пак, ја гледа во тоа што, според неа, Северина сакала да го води целото домаќинство и дека сè сакала да прави и да биде по нејзино.
