Пејачот Дарко Лазиќ го одржа својот прв настап по трагичната смрт на неговиот брат Драган Лазиќ, што предизвика бурни и поделени реакции на социјалните мрежи.
Додека едни сметаат дека требало да помине традиционалниот период од 40 дена жалост, други му дадоа поддршка, нагласувајќи дека секој има право сам да одлучи како ќе се справи со тагата.
На еден од коментарите, во кој корисничка напиша: „Еве јас ќе кажам, не требаше до 40 дена. Тоа не сме го измислиле ние, туку постои отсекогаш“, следеше прашање: „А кој го измислил?“
Во расправата се вклучи и сестрата на сопругата на Лазиќ, Тијана, која остро реагираше: „Кој те праша за мислење дали требало или не? Тоа е негова одлука! Земете избришете си го задникот со тоа мислење, само за тоа ви служи.“
Самиот Лазиќ претходно објасни зошто решил да продолжи со настапите и покрај трагедијата.
„Не знам што да ви кажам… Го прифатив тоа, едноставно… Животот оди понатаму, иако понекогаш не е фер. Мојата работа е да пеам и морам да продолжам. Знам дека ни брат ми не би сакал да престанам. Прочитав коментари ‘срам да ти е, не поминале ни 40 дена’, и си помислив – имате ли малку почит да напишете такво нешто? Јас морам да издржувам три семејства“, изјави пејачот.
Тој додаде дека во овој период мора да остане силен – и за своето семејство, но и за семејството на починатиот брат.
