Фолк пејачот Саша Матиќ, по смртта на Саша Поповиќ, сподели анегдота од почетоците на својата кариера. Според него, Поповиќ еднаш му признал дека планирал да му наплати 50.000 германски марки кога го издавал својот прв албум, користејќи го тоа што бил нов на естрадата.
Меѓутоа, во последен момент, во приказната се вмешал тенисерот Боба Живојиновиќ, кој тогаш бил во брак со Лепа Брена. Тој им рекол на Поповиќ и Брена дека никој не смее да бара пари од Матиќ и дека тој мора да влезе во продукцијата „Гранд“ како голема ѕвезда, со целосна поддршка.
Матиќ со доза на хумор раскажал дека Поповиќ тогаш се пошегувал дека „му потонале сите бродови“ затоа што останал без очекуваните 50.000 марки.
Саша Поповиќ, инаку значајна фигура на српската музичка сцена и еден од основачите на продукцијата „Гранд“, почина на 1 март по тешко боледување. Погребан е на 6 март во Белград.
