Пејачката Сања Вучиќ ја посрами својата долгогодишна пријателка и колешка Марија Шерифовиќ, откривајќи дека цели две години чекала да ѝ ги врати парите што чесно ги добила во облог.
Гостувајќи во емисијата „Амиџи шоу“, Сања доби прашање дали ѝ ги вратила парите на Марија што ѝ ги должела од времето на Евровизија 2022. Но, таа веднаш ја разјасни ситуацијата: не таа, туку Шерифовиќ ѝ должела пари нејзе.
„Воопшто не требаше јас да ѝ дадам 20 евра на Марија Шерифовиќ, туку таа мене. Ми ги врати кога ѝ бев гостинка на концерт, тоа беше пред две-три години, можеби. Чист облог – долга љубов. Чекав две години да ми ги врати тие пари. Мислеше дека ќе заборавам, ама тоа не се случи“, раскажа Вучиќ.
Да потсетиме, Сања со групата „Hurricane“ настапи на Евровизија 2022 година, а поддршка им даде и Марија, која отпатува со нив во Ротердам. Таму се обложиле која земја ќе победи на натпреварот. Во облогот, во кој влогот бил 20 евра, победила Сања и на својата добивка чекала полни две години.
