Рада Манојловиќ повторно работи со полна пареа. Пејачката до крајот на следната година има закажано 70 настапи, како во земјата така и во странство. Како што стојат работите, музичката ѕвезда за помалку од една година ќе инкасира 350.000 евра.
Иако тука влегуваат и трошоците за бендот, кога ќе се собере и одземе, убавицата од Четереже ќе биде во голем плус.
Рада пред две години доживеа вистински деловен бродолом, но сега полека, сигурно и во голем стил се враќа во игра. Нејзината сестра Маја, која ѝ води дел од обврските и настапите, секогаш е усогласена со неа, па и таа добро ќе профитира.
– Јас сум добра, а добар и глуп се браќа родени. Тоа ништо не вреди за стресот што го преживеав. Шест години ништо не снимав, самодовербата ми беше разнишана и слично. Пари ќе има! Јас сум некој што рано остана без мајка и парите не ми помогнаа ниту да ја спасам, ниту да ја вратам. Парите што ги имам сега, а можев да имам многу повеќе, за мене не се среќа. Што ќе ми вредат ако полудам и завршам на психијатрија – изјави еднаш Рада.
Манојловиќ извесен период се повлече од јавниот живот и не закажуваше настапи, но сега сè се врати во нормала.
Таа не крие дека поради стресот околу работата и се разболела.
– Често здравјето трпи затоа што работам со полна пареа. Се разбира, си ја сакам работата, но не е лесно. Нормално е сите ние пејачи некогаш да сме преморени – се пее цела ноќ, потоа следи патување, па додека да стигнеш дома, едвај накратко да заспиеш, но човек се навикнува – истакна таа.
