Марија Денкин е млада и талентирана девојка, која како што вели многу ја сака музиката, а карантинот поради коронавирусот бил пресуден да се создаде нејзината песна „Дали вреди“.
Марија на 8-годишна возраст се запишала во државното музичко училиште „Илија Николовски – Луј”, каде што завршла нижо (основно) музичко училиште. Паралелно посетувала и приватни часови по соло пеење.
Во еден период од животот се тргнала од музиката. Ја привлекле некои други области – туризам и угостителството.
„Како што ме нарекуваат блиските, сега си дипломиран гастроном кој ја зачинува музиката со свои зачини“, вели Марија.
„Карантинот беше пресуден за да се создаде оваа песна. Доста слободното време ме натера да правам нешто продуктивно. Во слободно време пишувам поезија и проза, па така не ми беше тешко да ја направам оваа песна. За релативно брзо брзо време беше напишана, не повеќе од 15 минути. Утредента отидов кај Дени Куртовиќ (млад артист и продуцент) и ја снимивме од прва, без никакви измени и препејувања, буквално во еден здив“, открива Марија.
Песната ја снимив лично за себе, за свое задоволство, но никогаш не се знае, можеби еден ден ќе излезе нешто поголемо.
