Синоќа се одржа големото финале на „Никад није касно“ во кое на публиката и се претставија 12 кандидати, а нешто по полноќ почна соопштувањето на имињата на победниците.
Познатата македонска фолк пејачка Ленче Кукуќ од Струмица победи меѓу 11-те финалисти.
Таа од стручното жири освои 172 гласови, а од фејсбук публиката 5.164 гласови. Ленче беше втора, според СМС гласовите, со 3.694 СМС пораки.
Покрај претседателот Саше Милошевиќ Маре, жирито го сочинуваа: Лепа Брена, Ацо Пејовиќ и Драгана Мирковиќ, а гласаа по стариот евровизиски систем. Преку телефонско вклучување во текот на финалето гласаа и актери, пејачи, композитори, кои беа дел од шоуто во изминатата четврта сезона на „Никад није касно“.
