Принцезата Шарлот, ќерката на Кејт Мидлтон и принцот Вилијам, вчера наполни пет години. Иако британското кралско семејство големо внимание придава на прославите на детските родендени, оваа година поради пандемијата на коронавирустот изостанаа големите прослави.
Кралското семејство одвреме навреме објавува фотографии од своите наследници за да се задоволи љубопитноста на јавноста.
Портретите кои се дело на Кејт Мидлтон ги објавуваат на денот на нивниот роденден, па така вчера на официјалниот инстаграм-профил на кралското семејство осамнаа и најновите фотографии од преслатката принцеза Шарлот.
