За личните несогласувања со Тамара Тодевска, за првпат прозборе нејзината блиска пријателка Слободанка Тренчева, позната како Боте, организаторка на настани и дел од културната платформа „Терапија“.
Тренчева и Тамара беа многу блиски, а таа секогаш ѝ беше најголемата поддршка во музиката. Во својот фејсбук-статус, таа рече дека и понатаму ја поддржува Тамара без оглед што не зборуваат.
„Не мора да зборувам со некого за да го почитувам неговиот труд. Личните несогласувања се едно, а признавањето на нечии успеси сосема друго.
По години хитови, емоции и песни што оставаат трага, Тамара Тодевска отвора ново музичко поглавје. Новиот албум ‘Кукла жива’ не е само збир на песни, туку лична приказна составена од искуства, раст, љубов, падови и победи. Искрен, зрел и препознатливо свој, овој албум ја покажува Тамара во нејзиното најавтентично издание. Музика што не се слуша само со ушите, туку и со срцето“, напиша Слободанка Тренчева-Ботовача.
Инаку, „Терапија“ e платформа чија цел е креирање на простор за развој на независна културна и клупска сцена.
Неодамна, „Терапија“ во Скопје организираше стручна трибина посветена на улогата на ноќната култура во современиот урбан живот, На настанот присуствуваа диџеи, организатори, психотерапевти, професори и претставници на институции, кои дискутираа за состојбата и иднината на ноќниот живот во градот.
Тамара Тодевска подготвува голем концерт на 3 октомври во арена „Борис Трајковски“, со кој ќе одбележи 25 години кариера, а паралелно работи и на новиот албум „Кукла жива“.
Една по една, таа ги најавува песните од новиот албум на социјалните мрежи.
