Прославениот српски режисер Емир Кустурица вчера во Чуруг го најави почетокот на снимањето на својот нов игран филм со наслов „Чуружанка“, во чиј фокус е опстанокот на институцијата семејство.
Кустурица на прес-конференцијата истакна дека семејството во литературата се распаѓа веќе со векови, но дека никој не може да го укине. Тој додаде дека неговиот нов филм носи слика за домот која им пркоси на современите општествени кризи.
„Во овој филм постои слика на српското семејство кое никогаш нема да се распадне, или подобро кажано, никогаш нема доволно да се распадне за тоа да биде вистинската слика на општеството во кое живееме“, порача режисерот.
