Познатата модна дизајнерка Дајан Вон Фурстенберг е доказ дека годините се само бројка. Овие денови сподели фотографија во костим за капење и без грам шминка.
Светски познатата белгиска дизајнерка, која го прослави својот 74 роденден на новогодишната ноќ, реши да им покаже на своите бројни обожаватели на „Инстаграм“ дека едноставноста е најдобриот моден додаток.
„Дали сум луда што објавувам ваква фотографија?“, напиша дизајнерката, велејќи им на сите гордо да ги носат своите години, бидејќи тие се доказ дека сме живееле. „Љубов за сите“, дополни таа.
Покрај маслинесто зелениот костим за капење, во кој изгледа совршено за нејзините години, Дајан позираше без грам шминка, а нејзиниот потег го поздравија многу познати дами, вклучувајќи ја и 62-годишната американска актерка Енди Мекдауел и мајката на кланот Кардашијан, Крис Џенер.
За време на нејзината импресивна кариера како моден дизјанер, Фон Фурстенберг постојано ги охрабруваше жените.
„Сакам што сум жена… но сакав да водам машки живот во женско тело. Со таков живот почнав многу рано и посакувам сите жени да го искусат тоа“, еднаш изјави таа.
74-годишната дизајнерка, чиј заштитен знак станаа култните фустани на преклоп, се придружи на својата 71-годишна колешка Вера Ванг со храбра фотографија во костим за капење, која минатата година подеднакво ја воодушеви јавноста.
Преземено од Слободен Печат.
