Пејачката Гвен Стефани се појави кон крајот на деведесетите години на минатиот век и набрзо стана една од омилените пејачки на планетата.
Честопати токму Гвен се дава како пример за жена која изгледа многу помладо отколку што е. Русата коса и црвениот кармин ја прават икона на стилот на едно време…
Иако нејзината музика не е популарна како што беше некогаш, фановите од ширум светот се гордеат со нејзиниот младолик изглед и покрај тоа што таа денеска наполни 50 години.
View this post on Instagram
Still Banging them out STILL FUN!! Thanks to my band and dancers for bringing it every time Gx
Пејачката на почетокот на оваа деценија направи голема пауза од својата кариера, бидејќи се омажи за Гевин Росдејл со кого доби три деца.
Нејзиниот брак не беше интересен за медиумите се додека таа не откри дека сопругот ја изневерувал со семејната дадилка, по што решила да го остави…
Како што самата признала, тоа и бил еден од најстрашните моменти во нејзиниот живот.
– Не сакав да бидам во мојата кожа, чуството е многу лошо, разбирате на што мислам? Рекла Стефани на крајот од 2016 година за американските медиуми.
– Тогаш се чуствував понижено во секоја смисла. Беше многу непријатно, едноставно потонав и морав да прекина. Среќа спасот го пронајдов во музиката – признала таа.
Пејачката нешто подоцна заплива во врска со Блејк Шелтон, кој беше нејзин долгогодишен пријател, за кој вели дека се нашол во идентична ситуација како и таа.
Среќна сум сега, покрај мене имав поддршка од пријателот Блејк Шелтон кој поминуваше низ слична работа како и јас. Нашето пријателство ме спаси – признала Стефани.
