Во светот на фармерките и панталоните, моментално е многу познат моделот со име „slouchy jeans“.
Нивното име означува мек крој кој практично и да нема структура, и кој не е цврст и тесен, туку опуштено паѓа низ телото.
Станува збор за фармерки со висок струк кои се проширени во областа на колковите и завршуваат со рамен крој. Со оглед на тоа што не ја следат линијата на телото, туку опуштено паѓаат околу него, се сметаат за исклучително удобно парче облека.
Затоа познатите дами често ги гледаме во овој модел.
Тие покажаа дека овој модел на фармерки може да се носи во сите прилики – од шетање до излегување во град, па и елегантна вечера.
Најактуелни се моделите со висок струк, моделите кои имаат превиткани ногавици, но и интересниот и смел модел со набори на колената.
