Младиот Стефан Живојиновиќ вели дека неговата мајка, пејачката Лепа Брена, едвај чека тој да се ожени и да добие деца, за да стане вистинска баба.
Неодамна во семејството Живојиновиќ се роди малиот Александар, син на полубратот на Стефан и на пејачката Александра Пријовиќ.
Стефан тврди дека и Боба и Брена би биле пресреќни ако им соопшти дека се жени, а уште повеќе доколку добие дете. За него бракот е нешто сериозно и смета дека не може да го склучи со која било.
Тој нагласил дека избира, не се вљубува на прв поглед, дека му е важно љубовта да му е возвратена, а девојката треба да е амбициозна и вредна. Исто така, изјавил дека повеќе сака обична девојка со која ќе има убав живот, наместо естрадна ѕвезда.
Со тоа ги прекина сите шпекулации дека е во врска со пејачката Милица Тодоровиќ, освен дека се пријатели и дека се надева дека ќе имаат и професионална соработка.
