Ако за некоја фризура може да се каже дека одбележила едно десетлетие и станала класика, тогаш тоа е фризурата на Рејчел Грин, ликот што го толкуваше Џенифер Анистон во „Пријатели“.
Фотографијата од омилената „пријателка“ жените низ цел свет ја носеа кај своите фризери со надеж дека од салонот ќе излезат со уверлива копија на популарната фризура, а повеќе од 25 години подоцна дојде време за нова „Рејчел фризура“.
Крис Мекмилан, долгогодишниот пријател и стилист на Анистон, кој е заслужен и за оригиналната фризура, одлучил глумицата сега наместо совршено испеглана коса да носи природна, благо брановидна фризура со патец на сртедина.
Ваквата фризура повеќе ѝ се допаѓа и на Анистон, која своевремено изјавила дека ја мразела фризурата на Рејчел која било тешко да се одржува поради нејзината природно густа и виткана коса.
Па, така сега ова би можело да стане новата омилена фризура на жените низ светот.
